بسم الله الرحمن الرحيم
السلام عليكم ورحمة الله وبركاتة

اخواني اعضاء منتدى التربية الفنية

لا تردوني خايبة واخيرا صار لي غرفة للفنية وكبيييرة تنفع للعرض وبنفس الوقت ورشة وأمام الغرفة مدخل حوالي 3متر يناسب الغرفة ومن امام الممر ذاصالة شبه مربعة تنفع ايضا للعرض

ابي الافكار وهمتكم كيف ارتب الغرفة وايش تحتاج لتصبح غرفة متكاملة
عندي بعض الافكار بس ابي الافكار والتقنيات تساعدني في سهولة تغيير وتركيب الاعمال واللوحات وعرض الوسائل داخل الغرفة؟؟

ردوا علي تكفووون

ملاحظة / اللي عنده فكرة يقول واللي ماعنده لا يقعد يتفلسف علي انتي وينك وانتي معلمة تربية فنية ولازم مجهودك ومن الكلام اللي نسمعه اللي
عنده كثر الله خيره والله يجزاه بالخير والجنان والفائدة لي ولكل المتصفحين واللي ماعنده لا يتعب نفسه بالرد رجاءا

ادري بتقولون وش ذا الاسلوب بس بعض الاعضاء الله يسامحهم ويهديهم ما يعطوون بس يبون ياخذوون ولو طلب طلب الكل قام يتفلسف انتي ومجهودك ومن هالكلام اللي ما يحمس ابد....
الفائدة تعم للكل
لي 8 سنوات اول مرة يصير عندي غرفة مستقلة وكل اعمال الطالبات يا نعرضها في الممرات للرايح والجااي بطريقة يدمي لها القلب او نخزن بالكراتين ونخبي بالمستودع....